Заврши првиот циклус обуки за претприемништво. На 120 учесници им беа доделени сертификати. Преку седум обуки за претприемачки вештини беа опфатени 120 млади претприемачи. Обуките треба да влијаат на формирањето здрав претприемачки дух.
Вкупно 13 претставници на здруженија на земјоделци имаа можност да научат за систематизацијата на работните места, за комуникациските вештини, да видат како се спроведува интервју за вработување, да направат разлика меѓу лидерството и раководењето, да научат да го мотивираат персоналот и да научат да поттикнат тимска работа.
За прв пат преку системот на ваучери МРФП ги понуди на заинтересираните обуките за претприемачки вештини. Обуките ги посетија 97 заинтересирани сегашни или идни претприемачи. Во рамките на нефинансиските услуги Македонската развојна фондација за претпријатија веќе неколку години поддржува обуки за сегашни и идни претприемачи како и за активисти на здруженијата на земјоделците и претприемачите.
МРФП се претстави на четвртиот Меѓународен саем на финансии, деловни можности и економски развој “ФИНЕКСПО 2005” како во изложбениот дел така и во форумскиот дел.
“Со приходот од овој фризерски салон го издржувам моето седумчлено семејство и редовно ги плаќам давачките за салонот. Ако можам јас, зошто не би можел и некој друг”, вели Наде Дестановска.